សាច់ក្រហម៖ សាច់គោ សាច់ចៀម
ហេតុអ្វីវីតាមីន B12 មានសារៈសំខាន់ខ្លាំង?
វីតាមីន B12 ចេញមកពីក្រុមវីតាមីន B។ ទោះជាយ៉ាងណាក៏ដោយ មិនដូចវីតាមីនផ្សេងទៀតទេ វីតាមីន B មិនអាចផលិត ឬស្តុកក្នុងរាងកាយរបស់អ្នកទេ ហើយវាអាចបានមកពីអាហារធម្មជាតិមួយចំនួន ឬអាហារបំប៉នតែប៉ុណ្ណោះ។ វីតាមីន B12 គឺជាតម្រូវការជីវជាតិសំខាន់សម្រាប់រាងកាយ ដោយសារវាជួយក្នុងការផលិតកោសិការឈាមក្រហម ការពារសរសៃប្រសាទពីការខូចខាត និងធានាឱ្យមាននូវលំនឹងរចនាសម្ព័ន្ធនៃក្រូម៉ូសូមមួយចំនួន ក្រៅពីនេះវាជួយដល់មុខងារផ្សេងៗក្នុងរាងកាយផងដែរ។ រាងកាយមនុស្សមានសមត្ថភាពក្នុងការផលិតកោសិកាឈាមក្រហមរាប់លានគ្រាប់នៅរៀងរាល់នាទី។ ប៉ុន្តែដំណើរការនេះអាចកើតឡើងបានដរាបណាមានការផ្គត់ផ្គង់គ្រប់គ្រាន់នៃវីតាមីន B12 ដើម្បីនាំយកនូវអុកស៊ីសែនទៅជុំវិញរាងកាយប៉ុណ្ណោះ។ ផ្ទុយទៅវិញ កង្វះវីតាមីន B12 អាចធ្វើឱ្យមានបញ្ហាទាំងទៅលើរាងកាយ និងផ្លូវចិត្ត ដូចជាគំហើញចុះខ្សោយ ដំបៅមាត់ ភាពមួរម៉ៅ និងជំងឺបាក់ទឹកចិត្ត។
ការពិតសំខាន់ដែលត្រូវដឹងអំពីវីតាមីន B12
ដោយហេតុថា វីតាមីន B12 មិនអាចស្តុកទុកក្នុងរាងកាយរបស់អ្នកបាន ដូច្នេះវាត្រូវការឱ្យមានការផ្គត់ផ្គង់ជាប្រចាំថ្ងៃតាមរយៈប្រភេទអាហារ ឬផលិតផលជំនួយសុខភាពមួយចំនួន។ ឧទាហរណ៍៖ មនុស្សធំដែលមានអាយុពី 19 ទៅ 64 ឆ្នាំ ត្រូវការវីតាមីន B12 ប្រហែល 1.5 មីក្រូក្រាម (mcg) ក្នុងមួយថ្ងៃ។ ផលិតផលអាហារដែលជាប្រភពវីតាមីន B12 រួមមាន ត្រី សាច់ ពង និងផលិតផលទឹកដោះគោ។
* វីតាមីន B12 គឺជាប្រភេទដែលអាចរំលាយក្នុងទឹក និងអាចធ្វើដំណើរក្នុងលំហូរឈាមបាន។
ការទទួលទានជាប្រចាំនៃផលិតផលអាហារទាំងនេះអាចធានាថា រាងកាយរបស់អ្នកទទួលបាននូវបរិមាណគ្រប់គ្រាន់នៃវីតាមីន B12 សម្រាប់តម្រូវការប្រចាំថ្ងៃរបស់អ្នក។ ប៉ុន្តែនេះអាចជាបញ្ហាសម្រាប់អ្នកហូបបួស និងអ្នកហូបតែបន្លែ ដោយសារការទទួលទានអាហារដែលធ្វើចេញពីរុក្ខជាតិអាចធ្វើអោយការផ្គត់ផ្គង់វីតាមីន B12 សម្រាប់រាងកាយមានការពិបាក (ដែលជាចម្បងមានក្នុងអាហារសាច់ប៉ុណ្ណោះ)។ សំណាងណាស់ ជម្រើសអាហារដែលផលិតសម្រាប់អ្នកហូបបួស និងអ្នកហូបបន្លែមួយចំនួនមានផ្ទុកវីតាមីន B12។ អាហារទាំងនេះរួមមាន គ្រាប់ធញ្ញជាតិ ទឹកដោះធ្វើពីរុក្ខជាតិ នំប៉័ង និងដំបែជីវជាតិ។ ជាការជំនួស អ្នកក៏អាចជ្រើសរើសជំនួយរាងកាយរបស់អ្នកជាមួយនឹងវីតាមីនបញ្ចូលគ្នា ដែលរួមមាន វីតាមីន B12 និងសារធាតុរ៉ែ ក៏ដូចជាជីវជាតិសំខាន់ៗដទៃទៀតដែលជាតម្រូវការសម្រាប់សុខមាលភាពមុខងាររាងកាយ។
តើវីតាមីន B12 ជំនួយសុខភាពរបស់អ្នកយ៉ាងដូចម្ដេច
វីតាមីន B12 (ដែលគេហៅផងដែរថា ខូបាឡាមីន) ដូចនឹងវីតាមីន B ទាំងឡាយផ្សេងទៀតដែរ គឺរលាយនៅក្នុងទឹក1។ ទោះជាយ៉ាងនេះក៏ដោយ វីតាមីននេះមិនត្រូវបានរក្សាទុកតាមធម្មជាតិឡើយ ប៉ុន្តែជំនួសមកវិញ វាត្រូវបានស្រូបដោយរាងកាយអ្នកតាមរយៈការទទួលទានអាហារជាច្រើនមុខ1,2។ ឧទាហរណ៍ អាហារដូចជាសាច់ក្រហម សាច់ត្រី ស៊ុត សេរៀលមានអាហារូបត្ថម្ភ និងផលិតផលធ្វើពីទឹកដោះគោ1,2។ វីតាមីន B12 មានសារៈសំខាន់សម្រាប់ដំណើរការមួយចំនួននៅក្នុងរាងកាយមនុស្ស។ ទាំងនេះរួមមាន៖
1. ការផលិតកោសិកាឈាមក្រហម
សមត្ថភាពរបស់រាងកាយរបស់យើងក្នុងការផលិតកោសិកាឈាមក្រហមរាប់លានជារៀងរាល់នាទីគឺមានការចូលរួមមួយផ្នែកធំ ដោយសារការទទួលទានវីតាមីន B12 គ្រប់គ្រាន់ ដែលជំរុញឱ្យកោសិកាទាំងនេះបំបែកខ្លួនបានយ៉ាងល្អ។
2. ការជំរុញការផលិត DNA
វីតាមីន B12 ធ្វើការរួមគ្នាជាមួយវីតាមីន B មួយទៀត ដែលគេហៅថាវីតាមីន B9 (ត្រូវបានគេស្គាល់ថាជា អាស៊ីត ហ្វូលិក) ដើម្បីបង្កើត ព្យូរីន និង ផៃរីមីឌីន នៅក្នុងរាងកាយអ្នក1។ ព្យូរីន និង ផៃរីមីឌីន គឺជាមូលដ្ឋាននីដ្រូសែន ដែលបង្កើតជាបណ្ដុំនៃ DNA នៅក្នុងរាងកាយមនុស្ស4។
អាហារដែលជាប្រភពរបស់វីតាមីន B12 រួមមាន៖
ត្រី៖ ត្រីប្លាធូ ត្រីសាល់ម៉ុន ត្រីធូណា
ផលិតផលទឹកដោះគោ៖ ទឹកដោះគោ ឈីស ទឹកដោះគោ
3. ការលើកកម្ពស់ប្រព័ន្ធមេតាប៉ូលីសអូម៉ូស៊ីស្តែន
វីតាមីន B12 ក៏រួមបញ្ចូលគ្នាយ៉ាងមានប្រសិទ្ធភាពជាមួយនឹងអាស៊ីតហ្វូលិក ដើម្បីគ្រប់គ្រងកម្រិត homocysteine ដែលជាប្រភេទអាស៊ីតអាមីណូដែលមានផ្ទុកស្ពាន់ធ័រនៅក្នុងឈាម5។ នេះគឺដោយសារតែការកើនឡើងកម្រិតនៃ homocysteine ក្នុងឈាមត្រូវបានផ្សារភ្ជាប់ជាមួយនឹងហានិភ័យខ្ពស់នៃជំងឺសរសៃឈាមបេះដូង (CVD) 2,5 ។ ទោះជាយ៉ាងណាក៏ដោយ ទិន្នន័យបច្ចុប្បន្នមិនបង្ហាញថាការបន្ថែមវីតាមីន B12 ក៏អាចកាត់បន្ថយហានិភ័យរបស់បុគ្គលម្នាក់ៗក្នុងការវិវត្តទៅជា CVDដែរ 5។
4. ការថែរក្សាស្រទាប់មៃលីន
ការទទួលទានវីតាមីន B12 គ្រប់គ្រាន់ ធានាថា ស្រោមមៃលីន ដែលការពារប្រព័ន្ធប្រសាទស្ថិតក្នុងសភាពល្អ1។ ដូច្នេះ សកម្មភាពនេះនឹងបង្ការកុំឲ្យរាងកាយអ្នកទទួលរងការខូចខាតប្រព័ន្ធប្រសាទ (ដែលគេហៅផងដែរថា រោគប្រសាទ) ដែលធ្វើឲ្យស្ពឹក និងទទួលអារម្មណ៍មិនស្រួលនៅក្នុងស្បែករបស់អ្នក1។
មនុស្សភាគច្រើនអាចបំពេញបន្ថែមដល់រាងកាយរបស់ពួកគេនូវវីតាមីន B12 ក្នុងបរិមាណគ្រប់គ្រាន់ តាមរយៈរបបអាហារដែលផ្ដល់សុខភាពល្អនិងមានតុល្យភាព។ ទោះជាយ៉ាងនេះក៏ដោយ ចំពោះអ្នកដែលមានបញ្ហាក្នុងការស្រូបវីតាមីន B12 យ៉ាងមានប្រសិទ្ធភាព អាហារបំប៉នសុខភាពដែលមានទម្រង់ជាថ្នាំគ្រាប់ ឬការចាក់បញ្ចូល ត្រូវបានណែនាំឲ្យប្រើ។ ឧទាហរណ៍ អាហារបំប៉នសុខភាពដែលមានក្រុមវីតាមីន B ក្នុងកម្រិតដូសដែលផ្ដល់សុខភាពល្អ (10µg នៃវីតាមីន B12) ដែលអាចផ្គត់ផ្គង់ដល់រាងកាយអ្នកយ៉ាងមានប្រសិទ្ធភាព ជាមួយនឹងវីតាមីន B ណាមួយ ដែលកំពុងខ្វះក្នុងពេលបច្ចុប្បន្ន។
Data from:
https://www.urmc.rochester.edu/encyclopedia/content.aspx?contenttypeid=19&contentid=vitaminb-12
https://lpi.oregonstate.edu/mic/vitamins/vitamin-B12
https://www.medicalnewstoday.com/articles/219822#benefits
https://www.albert.io/blog/what-is-the-difference-between-purines-and-pyrimidines/
https://ods.od.nih.gov/factsheets/VitaminB12-HealthProfessional/
ទិញ
បេរ៉ូកាតាមប្រព័ន្ធអនឡាញ
ចំណេញពេលវេលាដោយចំណាយពេលតិចក្នុងការទិញទំនិញ ទិញបេរ៉ូកាសម្រាប់ជំនួយថាមពលតាមប្រព័ន្ធអនឡាញ។
ការរកឃើញ
ថាមពលវិជ្ជមាននៃជីវិត
ភាពនឿយហត់ធ្វើឱ្យអ្នកចុះខ្សោយ ប៉ុន្តែអ្នកមិនច្បាស់ថាមកពីហេតុអ្វី? ស្វែងយល់បន្ថែមដើម្បីដឹងអំពីការបង្កើនថាមពល និងកត្តាជំរុញថាមពលតាមធម្មជាតិសម្រាប់ទ្រទ្រង់តម្រូវការប្រចាំថ្ងៃរបស់អ្នក។
