តើអ្វីជាវីតាមីន B?
តើអ្វីជាវីតាមីន B?
វីតាមីន B គឺជាសារធាតុបំប៉នដ៏សំខាន់សម្រាប់ការលូតលាស់ខួរក្បាលនិងរាងកាយឲ្យមានសុខភាពល្អ។ បណ្ដុំវីតាមីន B រួមគ្នា ក៏ត្រូវបានគេហៅថា វីតាមីន B-កំផ្លេច ផងដែរ ដោយវារួមមានវីតាមីន B ផ្សេងៗគ្នាចំនួន ៨មុខ ដែលចាំបាច់សម្រាប់ការថែរក្សាសុខភាព និងសុខុមាលភាពទូទៅរបស់អ្នក។
តើអ្នកអាចរកវីតាមីន B បាននៅកន្លែងណា?
មិនដូចវីតាមីនដទៃទៀតទេ វីតាមីន B មិនអាចផលិតនៅក្នុងខ្លួន ឬរក្សាទុកដោយរាងកាយរបស់អ្នកទេ អាស្រ័យហេតុនេះ រាងកាយអ្នកស្រូបយកវាតែតាមរយៈការទទួលទានផលិតផលចំណីអាហារធម្មជាតិប៉ុន្មានមុខប៉ុណ្ណោះ។ ផលិតផលទាំងនេះរួមមានគ្រាប់ធញ្ញជាតិ សាច់ បន្លែបៃតង និងផលិតផលធ្វើពីទឹកដោះគោ។ ជម្រើសមួយទៀត យើងសូមណែនាំឱ្យទទួលទានអាហារបំប៉នសុខភាពប្រចាំថ្ងៃ ដើម្បីធានាឲ្យបានថា រាងកាយអ្នកបានទទួលវីតាមីន B នីមួយៗ ក្នុងបរិមាណគ្រប់គ្រាន់ ដើម្បីគាំទ្រដល់តម្រូវការខាងខួរក្បាល និងរាងកាយសម្រាប់ការរស់នៅប្រចាំថ្ងៃរបស់អ្នក។
វីតាមីន B-កំផ្លេច
ផលប្រយោជន៍នៃវីតាមីន B
ការបំពេញបន្ថែមដល់រាងកាយអ្នកនូវវីតាមីន B នីមួយៗ ក្នុងបរិមាណគ្រប់គ្រាន់ជារៀងរាល់ថ្ងៃ នឹងជួយអ្នកក្នុងការរក្សាសុខភាព និងសុខុមាលភាពទូទៅរបស់អ្នក។ វីតាមីនទាំងនេះក៏អាចជួយដល់ការបញ្ចេញថាមពលទ្រទ្រង់ពេញមួយថ្ងៃផងដែរ ដែលនឹងជួយអ្នកឱ្យងាយស្រួលដោះស្រាយរាល់បញ្ហាប្រឈមនានាដែលកើតឡើងមកលើអ្នក។ វីតាមីន B ក៏ជួយគាំពារដល់មុខងារប្រព័ន្ធភាពស៊ាំឲ្យមានសុខភាពល្អ ក៏ដូចជាដំណើរការសំខាន់ៗផ្សេងទៀតនៅក្នុងរាងកាយរបស់អ្នក។ សូមបន្តអាន ដើម្បីស្វែងយល់បន្ថែមអំពីអត្ថប្រយោជន៍សុខភាពរបស់វីតាមីន B នីមួយៗ។
វីតាមីន B1/ថៃអាមីន
ការទទួលទានប្រចាំថ្ងៃដែលបានណែនាំសម្រាប់មនុស្សពេញវ័យ៖ 1.1 mg
ប្រភពដ៏ល្អនៃវីតាមីន B1៖
- គ្រាប់ធញ្ញជាតិទាំងមូល
- ទឹកដោះគោ
- ស៊ុត
អត្ថប្រយោជន៍នៃការទទួលទានអាហារដែលមានវីតាមីន B1៖
- រួមចំណែកដល់សុខភាពល្អនៃមុខងារប្រព័ន្ធប្រសាទរបស់អ្នក។
វីតាមីន B2/រៃបូហ្វ្លេវីន
ការទទួលទានប្រចាំថ្ងៃដែលបានណែនាំសម្រាប់មនុស្សពេញវ័យ៖ 1.4 mg
ប្រភពនៃវីតាមីន B2 ដែលផ្ដល់សុខភាពល្អ
- សេរៀល
- បន្លែបៃតង
- ស៊ុត
អត្ថប្រយោជន៍នៃការទទួលទានអាហារដែលមានវីតាមីន B2៖
- រួមចំណែកដល់ការធ្វើមេតាប៉ូលីសជាតិដែកនៅក្នុងរាងកាយបានល្អ។
- ដើរតួនាទីសំខាន់ក្នុងការផលិតកោសិកាឈាមក្រហមនៅក្នុងរាងកាយ។
- ជួយកាត់បន្ថយភាពអស់កម្លាំង។
វីតាមីន B3/PP/ណៃអាស៊ីន
ការទទួលទានប្រចាំថ្ងៃដែលបានណែនាំសម្រាប់មនុស្សពេញវ័យ៖ 16 mg
ប្រភពដ៏ល្អនៃវីតាមីន B3៖
- សាច់មាន់
- សាច់ត្រី
- គ្រាប់ធញ្ញជាតិទាំងមូល
ផលប្រយោជន៍នៃការទទួលទានអាហារដែលមានវីតាមីន B3៖
- រួមចំណែកដល់សុខភាពល្អនៃមុខងារប្រព័ន្ធប្រសាទរបស់អ្នក។
- ជាពិសេស ណៃអាស៊ីនអាចសម្រាលភាពអស់កម្លាំង និងផ្តល់ថាមពលដល់រាងកាយរបស់អ្នក។
វីតាមីន B5/អាស៊ីត ផេនថូធេនិក
ការទទួលទានប្រចាំថ្ងៃដែលបានណែនាំសម្រាប់មនុស្សពេញវ័យ៖ 6 mg
ប្រភពនៃវីតាមីន B5 ដែលផ្ដល់សុខភាពល្អ៖
- សាច់សត្វ
- សាច់ត្រី
- ផលិតផលធ្វើពីទឹកដោះគោ
អត្ថប្រយោជន៍នៃការទទួលទានអាហារដែលមានវីតាមីន B5៖
- ជួយក្នុងការផ្គត់ផ្គង់អុកស៊ីសែនដល់កោសិការបស់អ្នក
- ដើរតួនាទីសំខាន់ក្នុងការធានាថា អ្នករក្សាការផ្តោតអារម្មណ៍ពេញមួយថ្ងៃ
- ជួយឲ្យរាងកាយអ្នកធ្វើការសំយោគសារធាតុបញ្ជូនប្រព័ន្ធប្រសាទនិងកូឡេស្តេរ៉ូដែលចាំបាច់ ដើម្បីឲ្យរាងកាយអ្នកផលិតវីតាមីន D
- ដើរតួនាទីសំខាន់ក្នុងការកាត់បន្ថយភាពអស់កម្លាំង
វីតាមីន B6/ពីរីដូស៊ីន
កម្រិតប្រើប្រាស់ប្រចាំថ្ងៃសម្រាប់មនុស្សពេញវ័យ៖ 1.4 មក្រ
ប្រភពល្អនៃវីតាមីន B6 ៖
- ត្រី
- ផ្លែឪឡឹក
- ផ្ទី
អត្ថប្រយោជន៍នៃការទទួលទានអាហារដែលមានវីតាមីន B6៖
- ដើរតួនាទីយ៉ាងសំខាន់នៅក្នុងការផលិតគោលិកាឈាមក្រហមថ្មីៗ
- ជួយក្នុងដំណើរការនៃការធ្វើមេតាបូលីសថាមពល
- ដើរតួនាទីយ៉ាងសំខាន់ក្នុងការកាត់បន្ថយភាពនឿយហត់
- រួមចំណែកទ្រទ្រង់សភាពធម្មតានៃមុខងារផ្លូវចិត្ត
វីតាមីន B7/បៃអូទីន
ការទទួលទានប្រចាំថ្ងៃដែលបានណែនាំសម្រាប់មនុស្សពេញវ័យ៖ 50 μg
ប្រភពដ៏ល្អនៃវីតាមីន B7៖
- ថ្លើម
- ការ៉ុត
- ប៉េងប៉ោះ
អត្ថប្រយោជន៍នៃការទទួលទានអាហារដែលមានវីតាមីន B7៖
- ដើរតួនាទីសំខាន់ក្នុងការធ្វើឲ្យសកម្មចំពោះមុខងារវិជ្ជមាននៃវីតាមីន B ទាំងឡាយផ្សេងទៀត។
វីតាមីន B9/អាស៊ីត ហ្វូលិក
ការទទួលទានប្រចាំថ្ងៃដែលបានណែនាំសម្រាប់មនុស្សពេញវ័យ៖ 200 μg
ប្រភពនៃវីតាមីន B9 ដែលផ្ដល់សុខភាពល្អ៖
- សណ្ដែក
- ផ្លែក្រូចស៊ីទ្រូស
- គ្រាប់ធញ្ញជាតិទាំងមូល
អត្ថប្រយោជន៍នៃការទទួលទានអាហារដែលមានវីតាមីន B9៖
- ដើរតួនាទីសំខាន់ក្នុងការបង្ការភាពអស់កម្លាំង
- រួមចំណែកដល់ការផលិតកោសិកាឈាមក្រហមថ្មីៗ។
វីតាមីន B12/ខូបាឡាមីន
ការទទួលទានប្រចាំថ្ងៃដែលបានណែនាំសម្រាប់មនុស្សពេញវ័យ៖ 2.5 μg
ប្រភពនៃវីតាមីន B12 ដែលផ្ដល់សុខភាពល្អ៖
- សាច់ត្រី
- សាច់សត្វ
- ស៊ុត
ផលប្រយោជន៍នៃការទទួលទានអាហារដែលមានវីតាមីន B12៖
- រួមចំណែកដល់សុខភាពល្អនៃមុខងារប្រព័ន្ធប្រសាទរបស់អ្នក។
- ជួយកាត់បន្ថយភាពអស់កម្លាំង។
- រួមចំណែកដល់ដំណើរពេញលក្ខណៈនៃកោសិកាឈាមក្រហមនៅក្នុងខួរឆ្អឹងរបស់អ្នក។
សេចក្ដីបង្គាប់របស់សហគមន៍អឺរ៉ុប “សេចក្ដីបង្គាប់របស់គណៈកម្មការ 2008/100/EC ចុះថ្ងៃទី 28 តុលា 2008 ដែលកែប្រែលើសេចក្ដីបង្គាប់របស់ក្រុមប្រឹក្សា 90/496/EEC អំពីអាហារូបត្ថម្ភដែលដាក់ស្លាកសម្រាប់ចំណីអាហារ ពាក់ព័ន្ធនឹងការអនុញ្ញាតប្រចាំថ្ងៃដែលបានឲ្យយោបល់ កត្តានៃការបំប្លែងថាមពល និងអត្ថន័យ”៖
https://eur-lex.europa.eu/LexUriServ/LexUriServ.do?uri=OJ:L:2008:285:0009:0012:EN:PDF
ទិញ
បេរ៉ូកាតាមប្រព័ន្ធអនឡាញ
ចំណេញពេលវេលាដោយចំណាយពេលតិចក្នុងការទិញទំនិញ ទិញបេរ៉ូកាសម្រាប់ជំនួយថាមពលតាមប្រព័ន្ធអនឡាញ។